يادي از شاعران سفر کرده تبريز

آيدين

 

نادر فريد فتحي، متخلص و معروف به آيدين به سال 1335 شمسي در شهر ادب پرور مراغه متولد شد. وي از نوجواني شعر مي‌سرود و با توجه به علاقه‌اي که به ادبيات داشت، تحصيل در رشتة ادبيات را پي گرفت و با اخذ گواهي کارشناسي ارشد در رشتة ادبيات فارسي، به تدريس در دبيرستانها و دانشگاه‌هاي مراغه پرداخت.

آيدين شاعري نوگرا بود و در شعرهايي که به زبان فارسي و آذري مي‌سرود، ويژگي نوگرايي وي نمود مي‌يافت. نوگرايي وي محدود به دايرة کاربرد کلمات و واژگان نبود و کوشش وي بيشتر به تازگي و طراوت زبان شعر و خلق مضامين نو معطوف بود.

وي از شعراي بنام مراغه بود و در حوزة شعر انقلاب و دفاع مقدس نيز فعاليت داشت. سرودة آيدين در جشنوارة شعر دفاع مقدس «بنياد حفظ و نشر آثار و ارزشهاي دفاع مقدس آذربايجان‌شرقي» در سال 1386 به عنوان شعر برگزيده انتخاب و از وي تجليل شد. درخشش شعر وي موجب شناخت افزونتر دست اندرکاران ادبيات دفاع مقدس از وي شد و پس از آن در جشنوارة شعر دفاع مقدس با عنوان داور براي بررسي اشعار و انتخاب اشعار برگزيدة جشنوارة استاني شعر دفاع مقدس نقش ايفا کرد.

روانشاد آيدين به سال 1392 شمسي دار فاني را وداع گفت و در شهر خود مراغه به خاک سپرده شد.

 

عاشورا سسي...

 

کربلا دير يئر، گون عاشورادي، سس ليلا سسي

تيتره دير عرشين ستونون يئرده واويلا سسي

سينديرير کفرين سکوتون قهرلي دريا سسي

گوئيا محشردي يئرلر، گؤيلره قان آغلايير

قانلي بير سئودادي جانان هجرينه، جان آغلايير

 

اسنه‌دير مين لر آغيز، تمثال عشقه، ياي‌لاري

قيرمزي قيرمانجيلان قالخير گؤيه، جان هاي‌لاري

ظلم الي سالميش محاقه خيمه‌لرده، آي‌لاري

کينه لنميش هر بوغازدان بويلانير غارت سسي

سيرقالار غارتله‌ننده، يوکسه‌لير قيمت سسي

 

کربلاده بير قيامت دير، قيامت‌دن نشان

توپراقين اوسته دوشوب اولدوزلاريلن کهکشان

قتلگاه آيينه سينده، منعکس‌دير آسمان

چونکي  بوردان دير گونش، نه طاقه معراج ائيله‌يير

چلچراغ عشقيلن افلاکي منهاج ائيله‌يير

آل شفق‌له قيرمزي بايراق ساچيبلار کؤوشنه

قانلي بيرمنده شقايق‌لر آچيبلار کؤوشنه

عشق‌لر ليلالره مجنون قاچيبلار کؤوشنه

بير طرفده صف چکيبدير لشکر خوف و خطر

بير طرفده گؤرسنير ميدان آرا شقّ القمر

 

قانلا شمشير اوز اوزه دورموش، مصاف عشقده

قانيلن تطهير اولور همت، طواف عشقده

سسله‌نير عنقاي حرّيتده قاف عشقده

استقامت سوره‌سين تفسير ائدن قان بيزده ير

ظالمين شمشيريني عريان ائدن جان بيزده دير

 

کربلادير، باغلانيب دير صف صفه شمشيرلر

شيعه تاريخينده تکرار اولمادا  تکبيرلر

آسمانين آيناسيندا، قانلي‌دير تصويرلر

چون قضا کلکي عدالت نامينه فرمان يازير

پيرتلاشيق يوللاردا عشق اولادينا، توفان يازير

 

سيريلن شمشيرلرده ملتهب دير کينه لر

بي وفاليق گؤسترير، گؤزلرده کي آيينه لر

بسله‌يير سان‌سيز عداوت ساختالانميش سينه لر

کربلا دير گوئيا تفسير اولور عشق آيه سي

بسله‌يير طوفان دؤشونده کربلانين دايه سسي

 

اود ياغير گؤيدن بوتون صحراني آلميش ازدحام

کفريلن دورموش مقابل، غيرت ايمان تمام

باغلانيبدير قول قولا، همت، محبت، قان، قيام

گؤر نه غوغادير - ديليم يانسين- کي داور آغلايير

قانه باتميش پرچمه، زهراي اطهر آغلايير

 

سسله‌نير گؤيدن ملک لرده؛ قيامت سن حسين!

سن شهادت ميدانيندا، قانلي قامت سن حسين!

عروة الوثقاي عاشورايه، آيت سن حسين!

چون کي ظلمه رمز بيعت ائتمه‌مک «لا» سنده دير

ظلمه بيعت ائيله‌مز آزاده ليک، تا سنده دير

 

قانلي گون دور، کيشنه‌يير يئل لر علم لر ياتماسين

آل شفق‌لردن آخان غيرتلي غم لر ياتماسين

دالغا دالغا يوکسه‌لن توفانلي يم لر ياتماسين

تا حسين عاشوراسي دونيا اوزونده باشلانا

آل ذلت اللريله، آل همت داشلانا

 

بير طرفده اسنه‌يرکن اهرمنلر ياي‌لاري

باغلاييب دير بير طرفده خبث طينت، چاي‌لاري

بير طرفده قالديرير، ماوي لره يئل هاي‌لاري

اي خداوند جليله بذل ائدن جان، يا حسين

سوره سوره، آيه آيه، قانلي قرآن، يا حسين

 

 کربلادير، لحظه لحظه سيزلايير بير اضطراب

آغنايير شمشيرلردن تشنه تشنه التهاب

غرق دير سير و سلوک روحلاردا  آفتاب

 لحظه لحظه، ذره ذره، دوغرانيرلار تشنه لر

گزديرير فرمان، يزيده بيعت ائتميش دشنه لر

 

هر طرفدن باغلاييبدير ظلم عدالت يوللارين

برکيديب شمشيرلن کفر، استقامت يوللارين

بوش قويوبلار تکجه بير يوللار؛ شهادت يوللارين

ايستي، اوج استقامت، هر يئري آلميش عطش

سئير ائدير توفاني يئرده، ذوالجناح اوستن گونش

 

بير بير اولدوزلار يانيرلار يئرده جانان عشقينه

دوغرانيرلار قانلي ميداندا، سليمان عشقينه

حضرت حق‌دن گلن توفانلي پيمان عشقينه

سرو قامت، لاله اوز، «سلطان عشقين» دلبري

رخصت آلدي جنگه، آچدي کفرين اوسته شهپري

 

اول کي خط و خالي ساده، هم خيالي ساده دير

بنزه‌ري واردير رسول عشقه، چون آزاده دير

بير يانيخميش لاله تک خميازه يه  آماده دير

تا عدالت نامينه جسمين پريشان ائيله‌سين

جانيني شمشيرده کي قورخونجا مهمان ائيله‌سين

 

شدت شوق و عطش‌دن وصل ايچون بي‌تاب دير

قانلي پيمانه ازل دن اشتياقي ناب دير

طاق ابروسي، نماز بوسه‌يه محراب دير

عشق اوّل، رکعت اوّلده اؤپدو طاقيني

کربلا تا مست اولا، سالدي يولا اول ساقيني

 

وئردي ساقي، کربلا مست اولماقا قان باده‌سين

چوخ عطش‌لر ايچديلر قان، آلديلار جان باده‌سين

ساقي آخيرده اؤزو نوش ائتدي جانان باده‌سين

دوشدو ايستي قوملار اوسته قيرمزي گوللر تکين

زلفي بير ياندا پريشان اولدو سنبل‌لر تکين

 

زلفينين هر بير تئلينده يوز پريشان گؤرسنير

هاله‌لنميش آي اوزونده نور يزدان گؤرسنير

هاشمي خاليندا اسرار نمايان گؤرسنير

کربلاده گوئيا ياقوت احمر بسله‌نير

اکبره هر کس باخير«الله اکبر» سسله‌نير!

 

کربلا دير، معرفت ميداني، عرفان خطه سي

قانيلن تفسير اولان سئودا يئري، جان خطه سي

ماوي‌دن ياغماقدا ايمان، سانکي جانان خطه سي

غرق دير سير و سلوک عشقده اکبر اؤزو

گرچي اوخلار طعنه‌سيندن قانه باتميشدير گؤزو

 

هانسي مي‌دن مست دير بو قيرمزي گلبرگ تر

کي دوشوبدور جسمي بير ياندا يئره، بير ياندا سر

آچميش اکبر بير الهي نوردان معراجه پر

پلّه پلّه بير ملاقات اوزره  پرواز ائيله يير

لعل لب لردن شگفتا، فاش مين راز ائيله يير

 

پايلادي يئل خيمه‌ده شق‌القمر اعجازيني

ائيله‌دي فاش اکبرين اللهه عشق ابرازيني

يوز ايلي بير لحظه ده سير ائيله‌مک ايجازيني!

شهپر آچدي بوتراب اوغلي قاچيب دير کؤوشنه

گؤردو اکبر لاله و ريحان ساچيب دير کؤوشنه

 

قامت آچدي علقم اوسته ذوالفقارين غيرتي

اسدي يئللر، قوپدو توفان، سيندي ظلمين هيبتي

ذوالفقاره اولدو ايلنجه اؤلوم حيثيتي

دوشدو صفلر لرزه يه، عباس نام آور گلير

اولدوزون امدادينا بير کهکشان ياور گلير

 

نهر علقمده تجلي ائيله‌دي ماه زمين

عشقه قامت باغلادي ايچسين شهادت زمزمين

شرمدن لبريز اولدو بير اووج ماء معين

حسرتيلن تؤکدو کؤنلون گؤزلريندن آي، سويا

وئردي عباس اؤز سينيق بير تکه سيندن، پاي سويا

 

سسله‌نير عباس؛ من شيرم شقايق تصويرم

قانلي ميدانلاردا  قان ايلن يازيلميش تکبيرم

پنجه‌ي عدله، عدالت‌دن دوزه‌لميش شمشيرم

گلميشم آزاد ائدم قيد اسارتدن سيزي

بنده ليک دن ظالمه، ظلميله بيعت‌دن سيزي

من شهادت اوغلويام، غيرت مدار عزتم

کربلانين چيگني قان اوستونده کسگين غيرتم

من نجابت پرچمي، قان پرچمينده عصمتم

کربلانين سينه سينده قيرمزي آلاله يم

من غضب لنميش آغيزدا هاله لنميش ناله يم

 

دورموشام تا قارداشيم ختم رسالت ائيله‌سين

عشقه، ميدان شهادتده امامت ائيله‌سين

گوشه‌ي ابروي نازيلن عنايت ائيله‌سين

تا کي من آسوده بو ميداندا نخجير ائيله‌يم

کربلانين سوره‌سين بو قومه تفسير ائيله‌يم

 

فتنه‌نين تاراجينا سينديردي بغضين ذوالفقار

ظلمتستان اولدو يئر، اولدو قيامت آشکار

دوشدو فتنه لشکريندن هي سوار اوسته سوار

شوقدان ظهر عطشده ياغدي نم نم آفتاب

گئتدي عصمت ضربتيندن، فتنه دن آرام و تاب

 

ايلديريم شاخدي سپاه کينه اوسته ناگهان

سانکي عاشورا گونونده تيره‌لندي آسمان

اسنه‌دي هر دؤرد طرفدن، ذوالفقاره مين کمان

قويمايين جنگ ائيله‌يه شيرخدانين شمشيري

يوخسا قويماز بو قارانليق اوردودان بير کس ديري

 

دؤرد طرفدن، ياغدي شمشير جراحت، تير کين

وعده‌ي مال و غنيمت‌دن، فراموش اولدو دين

ائتديلر چوخ ناجوانمردانه بير عده کمين

خدعه‌نين نخلستانيندا دوشدو قوللار ساغ صولا

بير قيامت قوپدو کي شرم آغلادي کرب و بلا

 

سروقامت گؤرجه‌يين، طغيانه گلدي علقمه

حسرتيلن باخدي سردار عطش بير اخيمه

گؤردو بير لحظه گونش غرق اولدو درياي غمه

نرگس عباس دن، شرم اشکي آخدي پرچمه

نيسگيل ايلن کربلا سقاسي باخدي پرچمه

 

سؤيله دي؛ ياتما، امان دير اي قيامين پرچمي

ياتما ديزلر قوتي، ياتما حيانين پرچمي

اس گيلن، توفانلي اس، ياتما امامين پرچمي

تا ستم وار ياتما اس، ياتما امامت مظهري

اسمه بيعت سمتينه، اس استقامت مظهري

 

تؤکدو آشفته سويون امواجينا آي هاله‌سين

گؤزلريندن سپدي نهر علقمه، غم ژاله‌سين

چاتماسين اخيامه سينديردي بوغازدا، ناله‌سين

اما يئل فاش ائيله‌دي اخيامه مشکين شرميني

پرده پرده اوخشادي گؤزلرده اشکين شرميني

 

کربلانين وسعتينده ياغدي باران عطش

بير به بير قول چکديلر پيمانه، ياران عطش

آچديلار فيض شهادت‌دن گئنيش خوان عطش

ظالمه بيعت اؤلومدور، هر اؤلومدن دير چتين

ائيله‌مز بيعت يزيده، ذوالفقار آل دين