شعر از عرضا غلامپور (دلپاک)
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
«گوز ياشيمي يارالاريوا مرهم ايلرم
عالم بولر کي هر يارانين بير دواسي وار»
اشکيم تمام اولار ولي گلمز مراد اله
بس کي يارالي پيکروين چوخ ياراسي وار
مدهوش ائديبدي زينبي بو گلستان عشق
بو گلشنين يارالي عجب خوش هواسي وار
سن پيشواي اهل يقينسن سنون کيمي
آخر کيمين زمانده بير پيشواسي وار
وه کشتي قيامه کي درياي سرخيده
طوفان آرا سنون کيمي بير ناخداسي وار
بي شک مناي حقيده مبهوت اولار خليل
سن تک گوره خداي کريمين فداسي وار
سينن صفاسي زينبه سيناي عشقيدي
موسي بولر نقدري بو عشقين بهاسي وار
محصور حصن محکم ذلتدي دشمنون
تا قطع اولان الينده جلالت لواسي وار
بولمم ندندي تشنه ي آب محبتين
دائم الينده جام ملال و بلاسي وار
آگهدي سرّ علم مسيحايه تربتون
هر بير مريض عارفه چون کي شفاسي وار
فيض وجودويله محيط شهادتون
هر طالب شهادته عالي فضاسي وار
مه پيکرون خسوفه دوشوب گرچه قانيله
اما سپهر عزته رخشان ضياسي وار
تپراقلار اوسته نازيله عريان نه ياتميسان
دور گور نقدري عترتوين ابتلاسي وار
قيزلاريوين قولاقلاري قارداش ياراليدور
نه ياره لر کي هر بيرينين ماجراسي وار
غارت سوزون نقدري آچام اولماز آشکار
بير سوزدي قلبه محنت بي منتهاسي وار
غارتده سالديلار بيزي آتلار قباقينه
هر آتلينين بيزه سانا گلمز عناسي وار
هر کيمسيه يئترديلر اوّل وورارديلار
باخمازديلار کي ني کيمي دلده نواسي وار
بير باحياني ائتديله مين محنت دچار
بو امتين نه شرم و نه قارداش حياسي وار
بو جمع دلشکستيه يوخ گرچه دادرس
نيلک شکسته قلبلرينده خداسي وار
گور نه دوروب کناريده حسرت باخير رباب
آهسته دلده ناله ي اي واي بالاسي وار
صبحه کيمي گئچن گجه اي واي بالام ديئوب
دلسيز ئولن بالاسينا خاصّه عزاسي وار
هر چند چوخ گراندي منه درد و محنتون
اما خوشام بو محنته چون حق رضاسي وار
تپراقلار اوسته سمّ سمنديله جسموون
برهم اولوبدي نقشه سي پوزقون نماسي وار
ئولسون باجين بيان ائله بس اللرون هاني
کيمدور سبب بو ظلمه کي بيله خطاسي وار
بو جسمم پاره پاره وه باخدوقجا زينبون
داغلي دلينده ناله ي اي واي آناسي وار
واردور يادوندا ووردولا بير گون آناميزي
قارداش بيزه بو قومون اوگوندن جفاسي وار
بوندان سورا ئولونجه حسين آغلارام سنه
دردونده اشک تک گوزومون آشناسي وار
آخر نجه فراقيوه صبر ايلسون باجون
فرقت چتيندي هر کيمه کي چوخ وفاسي وار
دلپاک عرشه فرش گرک فخر ائده مدام
چون سينه سينده قبر شه کربلاسي وار
ذهني سوزو بو سوزده ساليب شور ذهنيوه
اشعار ذهنينين ولي آيري صفاسي وار
بو نيتيله آغلا حسينه،غريبيدور
نه بو خياليله کي بکانين جزاسي وار
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.