عاشق

تا بزمگه وصله اولا رهسپر عاشق

اوّل قدم عشقده باشدان گچر عاشق

 

اعلان وفا ايلماقا خلق آراسندا

معنالره ايستر ويره رنگ صور عاشق

..

درک ايتماقا مطلوب دلين أوز وطنيندن

حق رحمتي تک کعبيه ايلر گذر عاشق

..

تلقين محبّتله مقامي هوسينده

آئينة آفاقه سالار بير نظر عاشق

..

حول حرم حقّده آختارديقي نوري

بير قانلي بياباندا گورر جلوه گر عاشق

..

ترک ايلر امانگاهيني شوق خطريله

تاپسون حرم قرب ده عالي خطر عاشق

..

أيضاح مناهج سر و سوداسي باشندا

أکمال مناسکدن ارادت کسر عاشق

..

طوف حرم عشق هواسيله حرمدن

تکميل حدود ايلمه ميش کوچ ايدر عاشق

..

فعليله وفا قولينه آرترماقا تحقيق

سرگشته دوشر چوللره شوريد سر عاشق

..

موسي کيمي ربّي ارني نغمه سي دلده

ميقات ملاقاته اولا رهسپر عاشق

..

نفسى بولر اوفي ايلمز خواهش عشقي

بير عدّه ده ايلر اوزونه همسفر عاشق

..

چون مرکز منظومة شمسي ير اؤزونده

اطرافنه رخشنده کواکب دوزر عاشق

..

سيّالة نامرئي امواج وفادن

انصاريني عزمندن ايدر باخبر عاشق

 

بير طيّ نگاه دل آگاهله يولدا

همرهلري معيار وفادن سچر عاشق

 

ميعاد محبّتده سالار رحل اقامت

شوقيله بلا مقدمينه منتظر عاشق

..

توپراقه گورر اوّل سوداده توکولموش

بير عدّه غم هجرده خونين جگر عاشق

 

قانلي کفني جامة عشرت بولر عاشق

 

بير جان کيمي قارداش غم مرگينده اؤرکدن

باغلار کمري کسرينه محکم کمر عاشق

 

آرترماقا اعجاب تقاضاي وفاني

اوخ دايه سينه بير سود امر گوسترر عاشق

 

بير پرده ده قانيندن اثر حفظ اولا ايستر

افلاکي بو تشريفه ايدر مفتخر عاشق

 

بير نقش بو ايوانه ويرار قانيله قويماز

ويران اولا بو بارگه هفت در عشق

..

هر نجمي باتار ابر شهادتده غمينده

گوزدن اوزه مين کوکب رخشان توکر عاشق

 

بير لا و بلاني طلب نصرت أيدنده

تفکيک حق و باطله معيار أيلر عاشقي

 

معناي تجرّد يته نفسينده تمامه

أل تک نه عيالي اؤز اؤزوندن اوزر عاشق

..

تثبيت اولا اوچ اصل وفا، عشق، شهامت

آغوشه چکر بير نچه تير سه پر عاشق

..

زاهدلره زهدينده أولا وجه تمايز

آنّيندا قويار سنگ جفادن اثر عاشق

 

بير اوخدا تاپار نقش لقاي رخ جانان

بو نقشي همان تيرله قلبه تيکر عاشق

 

مسجود ايده درگاهيني اهل دله، ايلر

خاک در معشوقني کُحل بصر عاشق

..

خاک اوسته دوشر، ثقل وقاريله، غمينده

قويماز اولا عالم هامي زير و زبر عاشق

 

دلدن دله ايستر گتيره شير محبت

معشوق آديني تشنه لبيله اؤپر عاشق

 

مکسور سُور صدريني تا قلعة وصله

آچسين بو شکستيله طريق ظفر عاشق

..

قانيله ويرر سو، ستم باد مخالف

قويماز ايده دين نخلني بي برگ و بر عاشق

 

توپراقه قويار گول يوزون آخر نفسينده

اظهار ائده معشوقينه سلمين مگر عاشق

 

قان لجّه سنه غرقه سُور فُلک حياتين

بحر غمه دنياني ايدر غوطه ور عاشق

..

نه پايه ده دور گُستره خصمنده دنائت

بير کهنه لباس اگنينه آخر گيير عاشق

..

تفصيلله تحصيل اولونان درس وفاني

بير ترک سر ايتماقدا ايدر مختصر عاشق

 

قانيندن ائدر سيل روان، سوز خيامي

قويماز ايده دنيا يوزوني پر شرر عاشق

 

انجم يرينه نقش هلاليله وجودين

گردون کيمي پر مشعل ايدر سر به سر عاشق

 

طور آتشني بارقة شمع رُخيله

بير نخل سنان اوسته ايدر شعله ور عاشق

 

ماهيت مقصوديني آنديرماقا خلقه

تکبير جدالرده مکرّر دبير عاشق

 

مذبوح اولونان بير باشيله نوک جداده

اؤز اهلينه يولّاردا اولار راهبر عاشق

 

گون تک گورونر نقش هلاليله جداده

تا اهلينه شام غمي ايلر سحر عاشق

 

کهف آيه سي باشلار بو اميديله که تاپسين

اوز سجده گهي اؤسته نشان حجر عاشق

 

کول اوسته ياتار ديره گيدر باشيله أيتسين

تا انفس و آفاقده سير سير عاشق

 

تعقيب مرامينده يتندن صورا قتله

قالي باشيله نيزه ده شامه گيدر عاشق

 

وارث أولا يحيي مثلين ايليه تجديد

آرامگه ايستر باشنا طشت زر عاشق

 

بير هر ايکي دنيايه بها گوهر غلطان

مخزون اولا ويرانه ده دلدن سُوَر عاشق

 

هر بوالهوسه عاشق صادق ديماق اولماز

واقعده شه کرب و بلا دور اگر عاشق

 

بو بيرنفره عشقه همپايه تاپيلماز

هر گون گله دنيايه اگر مين نفر عاشق

 

عشق اوندا گراميدي که معدوديدي اهلي

عاشقده نه قيمت اولا گر هر بشر عاشق

 

«عابد» يتور اتمامه سوزون گرچه يتيشمر

پايانه بو مطلب يازيلا هر قدر عاشق

 

عاشقده اگر درج اولونوب عين غم ايتمه

معشوق يولوندا چون ايدر ترک سر عاشق

 

خوش طرزيله نظم اولدي بو أشعار وليکن

بير اوزگه بيانيله يازيب أوزگه لر عاشق