شعر از مرحوم حاج رضا صراف
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بلشوب قانـه عجب زلف پريشانون اوغول
اولا کول باشينه سندن سورا دنيانون اوغول
سن‌ايـدون زينبيمـون مطلب و منظوري علي
قويدون آغلار گؤزيله ياخشي او رنجوري علي
دور گئداق خيمه‌يه، اي گؤزلريمون نوري علي
گؤزي يوللاردا قالوب خيمه‌ده ليلانون اوغول
سني لب تشنه شهيد ائيله‌دي بو قوم عدو
گلشن جسميـوه وئردي دم پيکانيلـه سو
من‌ده اينـدي ائـدرم قانيله تجديد وضـو
قاريشور قانيمه بو چؤلده قيزيل قانون اوغول
مرحبــا عشقـوه اي شبـه رسول مدني
ائتمـه‌دون محضـر جانانده شرمنده مني
ياخشي الوان ائله‌دون قانيله بو گول بدني
سرو تک دوشدي يئره سرو خرامانون علي
محفل قربده اؤز جسميم اولوب غير منه
کوفه‌دن شامه وئرور جذبة حق سير منه
بو کشاکشـده علـي منزل اولور دير منه
اوج ائدر ناله‌سي افلاکه مسيحانون اوغول
سينه‌مي نـاوک درد و غمـه آمـاج ائدرم
زينبـون طـاقت و آرامينــي تاراج ائدرم
من‌ده بو چؤلده کسيک باشيله معراج ائدرم
قاب قوسينيم اولور طاقي کليسانون اوغول!
سـن وفـا گلشنينون بير گل نورسته‌سي سن
شهـدا دستـه‌سينون عشقده سردسته‌سي سن
اولمويا من کيمي بير سلسله پابسته‌سي سن
نگرانـدور گؤريرم ديدة گريانون اوغول
نـوش قيلدون ره جانانـدا بلا جامي، علي
چکه‌جاقدور بو ايشين شامه سرانجامي، علي
بيرجه آچ گؤزلرون اي قلبمون آرامي، علي
گؤرنه احواله ساليبدور مني هجرانون اوغول
نور ديـده! بو کمـان قدّيمه بير ائيله نظر
تير آهه يارالي سينه‌مي چوخ ائتمه سپر
تؤکمسه زينب مظلومه اگر اشک بصر
ياندورور عالمي آه دل سوزانون اوغول
اي اولان سرو قدي زينت ميدان بلا
کعبة وصلده قيلدون نه گؤزل سعي و صفا
ائيله‌دون جانوي مين شوقيله جانانه فدا
درگـه حقّـده مقبول اولا قربـانون اوغول
آغـلا «صرّافيلـه» بو مجلس ماتمده «رضا»
گؤزياشون خرج اولا گوهر يئرينه روز جزا
آه او دمدن بويـوروب اوغلينـه شـاه شهدا
بلشوب قانه عجب زلف پريشانون اوغول
کپی آدرس
اشتراک گذاری در فیس بوک
اشتراک گذاری در تویتر
پست الکترونیک
اشتراک گذاری در لینکداین
اشتراک گذاری در واتساپ
بخش خبری آذربایجان
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.