شعر از مهدي نجفلو
شکر اولسون اللها هله وار جاندا جانيميز
غيرت دامارلاريندا گلير جوشه قانيميز
دشمن مقابلينده مقاوم دايانماغا
بئلده بيلکده قدرت و ديزده توانيميز
دشمن نه قدر فتنه ائده بيزده قورخو يوخ
قيرخ ائيلدي بلکه مسجد اولوب پادگانيميز
ميدان عشقيده هاميميز تاپميشيق حضور
بلکه ظهور ائيلييه صاحب زمانيميز
ثابت قدم دايانميشوخ اسلام يولوندا بيز
حتي بو يولدا آخسادا توپراقه قانيميز
تک قويماريخ وليّ فقيهِ زمانه ني
سخت اولسادا بو يولدا اگر امتحانيميز
تازه آچيبدي سينهي سيناده لاله لر
خون شهيديلن سو ايچيب بوستانيميز
شير مقاومت يئتيشيبدور شهادته
قاسملر آرتيب اولدي بيزيم ديده بانيميز
آزاد ائدر بو تئزليگه بيت المقدسي
گر اولسا متحد هامي پير و جوانيميز
دنيا بيلير کي مسجدالاقصي بيزيمکيدير
چوخلار بو امره اولدولا هم داستانيميز
بير عده بيعت ائيله دي گيزلينجه دشمنه
يانديردي قلب شيعهني درد نهانيميز
ساتدي اوزونده بير پارا اعراب خودفروش
هيچ بير منافقه داخي يوخدور گمانيميز
اللها تکيه ائيلهميشيق حق يولوندا بيز
الله دي هر زاماندا بيزيم پاسبانيميز
بيز ياتماريخ حقيقتي ده ساتماريخ بيلين
اهل بصيرتيق يئکه داغدير توانيميز
سنده (نجفلو) ائيله ادا اوز وظيفه وي
گورسونله واردي شاعير شيرين زبانيميز
اظهار نظر 0
روزنامه به دیدگاه شما نیازمند است،از نظراتتون روی موضوعات پیشوازی خواهیم کرد.